தல வரலாறு

திருச்செங்கோடு (வேத காலங்களில், திருக்கொடிமாடச் செங்குன்றூர் என அழைக்கப்பட்டது) தேவாரம், சிலப்பதிகாரம் போன்ற நூல்களில் பல்வேறு குறிப்புகள் இடம் பெற்றுள்ளன. சிலப்பதிகாரம் படைத்த இளங்கோவடிகள், செங்கோடு எனத் திருச்செங்கோட்டைக் குறிப்பிடுகிறார். பிருங்கி முனிவர் மற்றும் அருணகிரிநாதர் போன்றோரின் சிலைகள் திருக்கோயிலுக்கு உள்ளே அமைந்துள்ளன. சுவர்களில் பொறிக்கப்பட்டுள்ள கல்வெட்டுகளில் இந்தப் புராதன மலைக்கோயிலானது சுமார் 2000 ஆண்டுகளுக்கு முன்பு கட்டப்பட்டது என்ற குறிப்பு இடம் பெற்றுள்ளது. இறைவன் அர்த்தநாரீசுவரர் மலைமேலிருந்து, அனைத்து மக்களுக்கும் காட்சியளித்து வருகிறார். மூலவராகிய அர்த்தநாரீசுவரர் ஆண்பாதி பெண்பாதி வடிவம் கொண்டு மாதொருபாகனாகக் காட்சியளிக்கிறார். அர்த்தநாரீசுவரராகிய இறைவனின் இந்த அரிய காட்சி உலகத்தில் இந்தத் திருக்கோயிலில் மட்டுமே காணமுடிகிறது.திருச்செங்கோடு (வேத காலங்களில், திருக்கொடிமாடச் செங்குன்றூர் என அழைக்கப்பட்டது) தேவாரம், சிலப்பதிகாரம் போன்ற நூல்களில் பல்வேறு குறிப்புகள் இடம் பெற்றுள்ளன. சிலப்பதிகாரம் படைத்த இளங்கோவடிகள், செங்கோடு எனத் திருச்செங்கோட்டைக் குறிப்பிடுகிறார். பிருங்கி முனிவர் மற்றும் அருணகிரிநாதர் போன்றோரின் சிலைகள் திருக்கோயிலுக்கு உள்ளே அமைந்துள்ளன. சுவர்களில் பொறிக்கப்பட்டுள்ள கல்வெட்டுகளில் இந்தப் புராதன மலைக்கோயிலானது சுமார் 2000 ஆண்டுகளுக்கு முன்பு கட்டப்பட்டது என்ற குறிப்பு இடம் பெற்றுள்ளது. இறைவன் அர்த்தநாரீசுவரர் மலைமேலிருந்து, அனைத்து மக்களுக்கும் காட்சியளித்து வருகிறார். மூலவராகிய அர்த்தநாரீசுவரர் ஆண்பாதி பெண்பாதி வடிவம் கொண்டு மாதொருபாகனாகக் காட்சியளிக்கிறார். அர்த்தநாரீசுவரராகிய இறைவனின் இந்த அரிய காட்சி உலகத்தில் இந்தத் திருக்கோயிலில் மட்டுமே காணமுடிகிறது.Read more

தல பெருமை

நாமக்கல் மாவட்டம், திருச்செங்கோடு நகரின் தென் கிழக்குப் பகுதியில் மலை மீது அமைந்துள்ள இத்திருத்தலம் அருள்மிகு அர்த்தநாரீசுவரர் திருக்கோயில் என்றழைக்கப்படுகிறது. கொங்கு நாட்டின் பாடல்பெற்ற ஏழு தலங்களுள் இத்திருக்கோயிலும் ஒன்றாகும். இத்தலமானது இலக்கியங்களில் திருக்கொடிமாடச் செங்குன்றூர் என்று சிறப்பாக அழைக்கப்படுகிறது. இத்திருக்கோயில் இரண்டாயிரம் ஆண்டுகளுக்கு முன்னர் தோன்றியதாக அறியப்பட்டாலும், எந்தக் காலக்கட்டத்தில் என்பதை உறுதிப்படுத்துவதற்கான சான்றுகள் கிடைக்கப் பெறவில்லை. அருள்மிகு அர்த்தநாரீசுவரர், அருள்மிகு செங்கோட்டு வேலவர், அருள்மிகு ஆதிகேசவப் பெருமாள் ஆகிய மூவருமும் மூர்த்திகளாக இத்திருக்கோயிலில் எழுந்தருளியுள்ளனர். கருவறையில் சிவனும் (வலதுபுறம்), சக்தியும் (இடதுபுறம்) சேர்ந்த ஒரே உருவாய், மாதொரு பாகனாய் அர்த்தநாரீசுவரர் எழுந்தருளி இருப்பது இத்திருக்கோயிலின் தனிச் சிறப்பாகும். கருவறையில் குடி கொண்டுள்ள அருள்மிகு அர்த்தநாரீசுவரர் ஒரு வகைப் பாசானத்தால் உருவானதாகக்...நாமக்கல் மாவட்டம், திருச்செங்கோடு நகரின் தென் கிழக்குப் பகுதியில் மலை மீது அமைந்துள்ள இத்திருத்தலம் அருள்மிகு அர்த்தநாரீசுவரர் திருக்கோயில் என்றழைக்கப்படுகிறது. கொங்கு நாட்டின் பாடல்பெற்ற ஏழு தலங்களுள் இத்திருக்கோயிலும் ஒன்றாகும். இத்தலமானது இலக்கியங்களில் திருக்கொடிமாடச் செங்குன்றூர் என்று சிறப்பாக அழைக்கப்படுகிறது. இத்திருக்கோயில் இரண்டாயிரம் ஆண்டுகளுக்கு முன்னர் தோன்றியதாக அறியப்பட்டாலும், எந்தக் காலக்கட்டத்தில் என்பதை உறுதிப்படுத்துவதற்கான சான்றுகள் கிடைக்கப் பெறவில்லை. அருள்மிகு அர்த்தநாரீசுவரர், அருள்மிகு செங்கோட்டு வேலவர், அருள்மிகு ஆதிகேசவப் பெருமாள் ஆகிய மூவருமும் மூர்த்திகளாக இத்திருக்கோயிலில் எழுந்தருளியுள்ளனர். கருவறையில் சிவனும் (வலதுபுறம்), சக்தியும் (இடதுபுறம்) சேர்ந்த ஒரே உருவாய், மாதொரு பாகனாய் அர்த்தநாரீசுவரர் எழுந்தருளி இருப்பது இத்திருக்கோயிலின் தனிச் சிறப்பாகும். கருவறையில் குடி கொண்டுள்ள அருள்மிகு அர்த்தநாரீசுவரர் ஒரு வகைப் பாசானத்தால் உருவானதாகக் கருதப்படுகிறது. அருள்மிகு அர்த்தநாரீசுவரரைத் திருஞானசம்பந்தரும், செங்கோட்டு வேலவரை அருணகிரிநாதரும் பாடியுள்ளனர். முன்னொரு காலத்தில் ஆதிசேடனுக்கும், வாயுதேவனுக்கும் தானே வலியோன் என்ற பிணக்கு உண்டாகி அவர்கள் இருவருக்கும் எழுந்த போரில் விண்ணில் பறந்து வந்த மேரு மலையின் சிகரங்களில் ஒன்று மூன்று துண்டுகளாகி அவற்றுள் ஒரு பாகம் ஆதிசேடனின் சிரத்துடன் திருச்செங்கோடு நகரின் தென் கிழக்குப் பகுதியில் மலையின் மீது விழுந்தது. அவ்வாறு விழுந்த இடமே திருச்செங்கோட்டு மலையாக உருவானது என்று புராண வரலாறு கூறுகின்றது. மேலும் இத்திருத்தலத்திற்கு நாகமலை, சேடமலை, வாயுமலை முதலான பல சிறப்புப் பெயர்களும் அமையப்பெற்றது. இதுமட்டுமன்றி பார்வதி தேவியார் இடபாகம் பெற்ற வரலாறு, பிருங்கி முனிவர் வழிபாடு போன்ற பல புராணச் சிறப்புகளை இத்திருக்கோயில் பெற்றுள்ளது. திருஞானசம்பந்தர், நலிசுரம் போக்கி நலமருளியது, கல்லிடபம் கடலைத் தின்றது, தேர்க்கால் இடர் தவிர்த்து ஊமை பேசியது, திருச்செங்கோட்டு வேலவன் மேய்ப்பானாக வந்தது போன்ற திருவிளையாடல்களும் இத்தலத்தில் நிகழ்ந்துள்ளன. ஆன்மாக்கள் செய்யும் பாவங்களைப் போக்கும் புனிதத் தீர்த்தங்களான தேவ தீர்த்தம், நாகதீர்த்தம், குமார தீர்த்தம், பாப நாச தீர்த்தம், முதலான பல தீர்த்தச் சிறப்புகளைப் பெற்றது இத்திருத்தலமாகும். மலைக்கோயிலும் அதனோடு இணைக்கப்பட்ட ஏனைய பிற திருக்கோயில்களும் மூவேந்தர்களால் கொங்கு நாட்டை ஆண்ட மன்னர்கள், குறுநில மன்னர்கள், செல்வந்தர்கள் மற்றும் அடியார்கள் ஆகியோரால் சிறப்பிக்கப்பட்டன. இத்திருக்கோயில் திருப்பணிகளைப் பற்றிய விளக்கமான செய்திகளைத் திருச்செங்கோடு திருப்பணி மாலை என்னும் நூலிலும், திருக்கோயில் கல்வெட்டுகளிலிருந்தும் அறியமுடிகிறது. இத்திருக்கோயிலில் சோழ, பாண்டிய மன்னர்கள், கருநாடக மன்னர்கள், நாயக்க மன்னர்கள், மோரூர் காங்கேயர் மற்றும் இறையன்பர்கள் ஆகியோரால் செய்விக்கப்பட்ட திருப்பணிகளைக் கல்வெட்டுக்கள் மூலம் அறியலாம். திருச்செங்கோட்டுப் புராணம், திருச்செங்கோட்டு மான்மியம், திருச்செங்கோட்டுத் திருப்பணி மாலை முதலிய இருபதுக்கும் மேற்பட்ட தனித்தனி நூல்கள் இத்திருக்கோயில் சார்ந்து எழுதப்பட்டுள்ளனRead more

இலக்கிய பின்புலம்

திருஞானசம்பந்தரால் பாடல் பெற்ற திருத்தலங்களுள் இத்திருத்தலமும் ஒன்றாகும். இத்திருத்தலத்தின் மலையானது சிவந்த நிறமாகக் காணப்படுவதால், செங்கோடு (செம்மை கோடு) - (கோடு என்பதற்கு மலை என்று பொருள்) என்று பெயர் பெற்றது. தெய்வத் திருமலை, நாகமலை, உரசகிரி எனப் பல பெயர்களும் இத்திருத்தலத்திற்கு உள்ளன. மலைக்கோயிலில் குடி கொண்டுள்ள அருள்மிகு அர்த்தநாரீசுவரரைக் பாதசாரியாக நடந்து காணவிரும்பும் பக்தர்களுக்காக அடிவாரப் பகுதியிலிருந்து மலைக்கோயில் வரை 1200 படிக்கட்டுகள் உள்ளன. இப்படிகளில் உள்ள 60 ஆம் படியானது மிகப் புரதானமானதாகக் கருதப்படுகிறது. இப்படிக்கட்டின் மேல் நின்று சத்தியம் செய்தால் அது நீதிமன்றத்திலும் ஏற்றுக் கொள்ளப்படும் என்று நீண்டகாலமாக நம்பப்படுகிறது. மேலும் இறைவி சிவபெருமானோடு இரண்டற இணைய வேண்டும் என்பதற்காகக், கேதார கௌரி என்னும்...திருஞானசம்பந்தரால் பாடல் பெற்ற திருத்தலங்களுள் இத்திருத்தலமும் ஒன்றாகும். இத்திருத்தலத்தின் மலையானது சிவந்த நிறமாகக் காணப்படுவதால், செங்கோடு (செம்மை கோடு) - (கோடு என்பதற்கு மலை என்று பொருள்) என்று பெயர் பெற்றது. தெய்வத் திருமலை, நாகமலை, உரசகிரி எனப் பல பெயர்களும் இத்திருத்தலத்திற்கு உள்ளன. மலைக்கோயிலில் குடி கொண்டுள்ள அருள்மிகு அர்த்தநாரீசுவரரைக் பாதசாரியாக நடந்து காணவிரும்பும் பக்தர்களுக்காக அடிவாரப் பகுதியிலிருந்து மலைக்கோயில் வரை 1200 படிக்கட்டுகள் உள்ளன. இப்படிகளில் உள்ள 60 ஆம் படியானது மிகப் புரதானமானதாகக் கருதப்படுகிறது. இப்படிக்கட்டின் மேல் நின்று சத்தியம் செய்தால் அது நீதிமன்றத்திலும் ஏற்றுக் கொள்ளப்படும் என்று நீண்டகாலமாக நம்பப்படுகிறது. மேலும் இறைவி சிவபெருமானோடு இரண்டற இணைய வேண்டும் என்பதற்காகக், கேதார கௌரி என்னும் விரதம் இருந்து மரகதலிங்கத்தை வைத்துப் பூசித்து இறைவனின் இடப்பாகத்தைப் பெற்றதாகத் தலவரலாறு கூறுகிறது. திருஞானசம்பந்தர் கொங்குநாட்டுத் தலயாத்திரையில் முதலில் இப்பதியை வணங்கிப் பின்பு சில தலங்களுக்குச் சென்றுவிட்டுத் திரும்பவும் இங்கு வந்தபோது, அவருடன் வந்த அடியார்களை நளிர்சுரம் பற்றி வருத்த, அவ்வினைக் கிவ்வினை என்னும் பதிகம் பாடி,தீவினைவந்தெம்மைத் தீண்டப்பெறா திருநீலகண்டம் என ஆணையிட்டு அடியார்களின் பிணி தீர்த்தார் என்பது பெரியபுராண வரலாறு. இத்தலத்துள் சொல்லப்படும் மற்றொரு செய்தி, இப்பகுதியில் வாழ்ந்த குணசீலர் என்ற புலவருக்காகச் செங்கோட்டு வேலவர் மாடு மேய்க்கும் சிறுவனாகத் தோன்றித் தான் குணசீலரின் கடைமாணாக்கர் என்று தன்னைக் கூறிக்கொண்டாராம். பாண்டிப்புலவரேறு என்பவர், சமரமுகத் திருச்செங்கோடு சர்ப்பசயிலமெனில் அமரிற்படம் விரித்து ஆடாததென்னே? என்று வியந்து பாடி அடுத்த அடி பாட முடியாது திண்டாடினாராம். அப்போது, சிறுவனாக வந்த வேலவன், அஃது ஆய்ந்திலையோ நமரின் குறவள்ளி பங்கன் எழுகரை நாட்டு உயர்ந்த குமரன் திருமருகன் மயில் வாகனம் கொத்தும் என்றே - எனப் பாட்டினை முடித்து அப்புலவரைத் திரும்பிப் போகும்படிச் செய்தார் என்ற செய்தி இம்மலையடிவாரத்தில் நிகழ்ந்தது என்று சொல்லப்படுகிறது.Read more

புராண பின்புலம்

சிவத்தலமும், திருமால் தலமும் ஒன்றாய் அமைந்தும் விளங்கும் இத்திருத்தலமானது இரண்டாயிரம் ஆண்டுகளுக்கு முற்பட்ட வரலாற்றுச் சிறப்புடையது. மூர்த்தி, தலம், தீர்த்தம் என்ற முச்சிறப்புகளாலும் பெருமையுடையது இத்தலம். முன்னொரு காலத்தில் ஆதிசேடனும் வாயுதேவனும் தங்களில் யார் பெரியவர் என்பதை அறிய இருவரும் போர் செய்தனர். இப்போரினால் உலகில் பேரழிவுகளும், துன்பங்களும் நேரிடுவதைக் கண்ட முனிவர்களும், தேவர்களும் அவர்களிடம் யார் பெரியவர் என்பதை அறிய ஒரு வழிக் கூறி அதில் யார் வெற்றி பெறுகிறார்களோ அவர்களே பெரியவர் என்றனர். இதன்படி ஆதிசேடன் படமெடுத்து மேரு சிகரத்தின் முடியை அழுத்திக் கொள்ளவேண்டும். வாயுதேவன் தன் பலத்தால் பிடியைத் தளர்த்த வேண்டும் என்றும் கூறினர். ஆனால் வாயுதேவனால் பிடியைத் தளர்த்த முடியவில்லை. இதனால் கோபம் கொண்ட வாயுதேவன் தன்...சிவத்தலமும், திருமால் தலமும் ஒன்றாய் அமைந்தும் விளங்கும் இத்திருத்தலமானது இரண்டாயிரம் ஆண்டுகளுக்கு முற்பட்ட வரலாற்றுச் சிறப்புடையது. மூர்த்தி, தலம், தீர்த்தம் என்ற முச்சிறப்புகளாலும் பெருமையுடையது இத்தலம். முன்னொரு காலத்தில் ஆதிசேடனும் வாயுதேவனும் தங்களில் யார் பெரியவர் என்பதை அறிய இருவரும் போர் செய்தனர். இப்போரினால் உலகில் பேரழிவுகளும், துன்பங்களும் நேரிடுவதைக் கண்ட முனிவர்களும், தேவர்களும் அவர்களிடம் யார் பெரியவர் என்பதை அறிய ஒரு வழிக் கூறி அதில் யார் வெற்றி பெறுகிறார்களோ அவர்களே பெரியவர் என்றனர். இதன்படி ஆதிசேடன் படமெடுத்து மேரு சிகரத்தின் முடியை அழுத்திக் கொள்ளவேண்டும். வாயுதேவன் தன் பலத்தால் பிடியைத் தளர்த்த வேண்டும் என்றும் கூறினர். ஆனால் வாயுதேவனால் பிடியைத் தளர்த்த முடியவில்லை. இதனால் கோபம் கொண்ட வாயுதேவன் தன் சக்தியை அடக்கிக் கொண்டார். இதனால் உயிரினங்கள் அனைத்தும் வாயுப் பிரயோகமற்று மயங்கின. இந்தப் பேரழிவைக் கண்ட முனிவர்களும், தேவர்களும் ஆதிசேடனின் பிடியைத் தளர்த்த வேண்டினர். ஆதிசேடனும் தன் பிடியைக் கொஞ்சம் தளர்த்தினார். இந்தச் சந்தர்ப்பத்தைப் பயன்படுத்திக் கொண்ட வாயுதேவன் தன் சக்தியால் அப்பகுதியை வேகமாக மோதி அச்சிகரத்துடன் ஆதிசேடன் சிரத்தையும் பெயர்த்து பூமியில் மூன்று செந்நிற பாகங்களாய்ச் சிதறச் செய்தார். அவற்றில் ஒன்று திருவண்ணாமலையாகவும் இரண்டாவது இலங்கையாகவும் மூன்றாவது நாகமலையாகவும் (திருச்செங்கோடாகவும்) காட்சியளிக்கிறது.Read more